|
突然諗返起自己寫過既一D詩句,唔係好多人睇過,更加冇咩明既人~
分享一下我自己寫得最靚既兩首詩同佢地既秘密你地知丫~
－－－－－－－－－－－－－－－－－－－－－－－－－－－－－－
＜＜不想＞＞
不幸不在不悅時，
想愛想恨想未遲，
如能倒轉前塵事，
此願後來行大志。
解讀：
當時我既情況係好唔開心，面對來自好多方面既壓力，生命既問題，咩都唔想做。
「不幸不在不悅時，」不幸唔o係唔開心既時候，即係o係開心既時候,開心既時候會遇上不幸，唔開心既時候就唔開心，人生就好似充滿不幸同唔開心咁。
「想愛想恨想未遲，」有過自己愛既人有過自己唔鍾意既，不過都冇及時去表達過。
「如能倒轉前塵事，」如字面，如果可以返轉頭。
「此願後來行大志，」此願，哩一個心願。後來，之後。行大志，做我想完成既事。
最後兩句加埋既意思係，如果可以返轉頭，哩一個心願成真之後我一定會做我想完成既事。就係去向我愛既人同我唔鍾意既人表達我對佢地既感受。
而當時我既心情係隱藏左o係詩裡面，除左串頂，就連第三第五行既句子都可以打直讀，分別係。
「不想如此」，「不想倒後」，「不想前行」可見我當時既心境係極之矛盾同無所適從。
－－－－－－－－－－－－－－－－－－－－－－－－－－－
＜＜亮月＞＞
看月亮愈亮，
會醉倒？醉睹，
唸友詞有詞，
詩難寫難捨。
解讀：
一首送俾朋友既詩，當時一路望緊月光一路讀起朋友既作品，心裡面就出現哩首詩既第一句。
首先，每一句都用左諧音疊詞~讀出黎好似冇咩特別，但當睇到字既時候會發現深一層既意思。
「看月亮愈亮，」如字面，當見到月光愈黎愈光。
「會醉倒？醉睹，」會醉倒？問自己會唔會一邊飲Ｄ酒一邊賞月呢？醉睹，但雙眼已經陶醉o係月光當中。
「唸友詞有詞，」詞，借代，用詞代表朋友所寫既作品。口裡面讀住朋友寫既詩詞，有唸唸有詞既意思。
「詩難寫難捨。」詩，指現在自己所寫既詩。難寫難捨，如字面，要完全寫出心中既難捨之情實在很難。難捨，不是指長時間分別，而係思念又唔可以見面既心情。
而當時我更深既感受隱藏左o係詩裡面，串頂句「看會唸詩」當見到亮晶晶既月光時就想唸我地既詩。
點解題目唔係月亮而係反轉讀既亮月呢？因為想暗示有反轉讀既手法。反串頂句，諧音「詩唸會看」，看甚麼？轉成正字連題目一齊讀係「思念會看：月亮」，每當掛住哩個朋友，我會去睇下頭上既月亮。
|
